Koha home
XII Міжнародны кангрэс “Бібліятэка як феномен культуры”
У Нацыянальнай бібліятэцы Беларусі 23–24 кастрычніка 2025 г. адбудзецца XII Міжнародны кангрэс “Бібліятэка як феномен культуры”, прысвечаны 80-годдзю Перамогі ў Вялікай Айчыннай вайне.
Арганізатары кангрэса:
- Міністэрства культуры Рэспублікі Беларусь
- Нацыянальная бібліятэка Беларусі
Суарганізатары кангрэса:
- Міждзяржаўны фонд гуманітарнага супрацоўніцтва дзяржаў – удзельніц СНД
- Беларуская бібліятэчная асацыяцыя
Плануемыя тэмы для абмеркавання на пленарным і секцыйных пасяджэннях:
- Дзейнасць бібліятэк у гады Вялікай Айчыннай вайны;
- Бібліятэчныя фонды ў гады Вялікай Айчыннай вайны;
- Бібліятэчныя фонды як інструмент па барацьбе з фальсіфікацыяй гісторыі Вялікай Айчыннай вайны;
- Роля бібліятэк у выхаванні патрыятызму;
- Бібліятэкары – удзельнікі Вялікай Айчыннай вайны. Ваенныя падзеі ў памяці пакаленняў;
- Выданні і электронныя інфармацыйныя рэсурсы аб Вялікай Айчыннай вайне;
- Дзіцячыя бібліятэкі ў час Вялікай Айчыннай вайны;
- Ваенная тэматыка ў навукова-даследчых праектах бібліятэк;
- Трансфармацыя функцый бібліятэк у лічбавую эпоху;
- Прымяненне новых інфармацыйных тэхналогій у бібліятэках;
- Вопыт і перспектывы выкарыстання інтэрнэт-прасторы для папулярызацыі работы бібліятэк;
- Міжнароднае супрацоўніцтва ў сферы культуры, навукі і адукацыі;
- Бібліятэкі, архівы, музеі: вопыт узаемадзеяння, магчымасці інтэграцыі лічбавых рэсурсаў;
- Роля кнігі і чытання ў сучасным грамадстве;
- Інфармацыйна-аналітычнае забеспячэнне дзейнасці спецыялістаў навукі, адукацыі, культуры;
- Нарматыўнае прававое забеспячэнне бібліятэчнай галіны;
- Станы і перспектывы кнігазнаўчай навукі;
- Традыцыі і інавацыі ў сферы абслугоўвання карыстальнікаў бібліятэк;
- Сацыякультурны патэнцыял бібліятэк;
- Фарміраванне інфармацыйнай культуры карыстальнікаў;
- Сучасная дзіцячая бібліятэка – тэрыторыя творчасці, адукацыі, вольнага часу;
- Папулярызацыя кнігі і чытання ў дзіцячых бібліятэках;
- Праектаванне, будаўніцтва і эксплуатацыя бібліятэчных будынкаў: гісторыя і сучаснасць;
- Арганізацыя бібліятэчнай прасторы ў новым фармаце;
- Сродкі і тэхналогіі забеспячэння абароны, захаванасці і бяспекі ў бібліятэцы;
- Інжынерная інфраструктура і добраўпарадкаванне сучасных бібліятэк.
Для ўдзелу ў кангрэсе запрашаюцца спецыялісты бібліятэк, музеяў, архіваў, навукова-даследчых арганізацый, адукацыйных устаноў, выдавецтваў, прадстаўнікі дзяржаўных структур і грамадскіх арганізацый.
Больш падрабязная інфармацыя пра кангрэс і рэгістрацыя ўдзельнікаў - на сайце канферэнцыі.
Крыніца інфармацыі: Партал Нацыянальнай бібліятэкі Беларусі.
+375 17 293 27 71